عايزني تغير ؟....
تحب اتغير ؟ ....
هحاول اتغير
هحاول اكون انسان جديد
هحاول اكون مش انا
علشان انا هي انا وده شئ مخيف
انا مين انا
مش عارفه انا هقدر اتغير ولا هيكون حالي هو حالي بعد ميت مليون سنة
مش عارفه مالي
وليه كل حاجة فيا غلط
نفسي غلط
انا غلط كلي غلط
اكدب وانا مش عايزه اكدب
واقول كلام وجوايا غيره
اصل انا مبيبقاش جوايا غيره
وليه اكون غيري وازاي اكون
وانا اصلا مفيش
مليش شكل وملامح
عمري ما كنت حاجة علشان اتغير
تحب اتغير
طب ازاي اتغير
ولمين ولأيه ومن ايه
معدتش عارفه
معدتش فاهمه
بس انا دلوقت فاهمه اني انا مش انا
وانا مبتعملش
ومبفهمش
ومينفعش اعيش وسط بشر
اصلي انا مش بشر
انا مبتعلمش
وبغير الجرح مبعرفش اعيش
وطول الليل سهرانة ومبنامش
اغلط وارجع اصلح الغلطة بغلطة زي ما اكون مبتعملش
وزي ما يكون القلب من جرحه مبيتألمش
وليه دايما القلب يغلط ومبيفهمش
يلا مهو انا غبية ومبتعملش
مبتعملش
ومهتغيرش
هفضل انا نفس البنت
ولا مهتغيرش
ليست هناك تعليقات:
إرسال تعليق