فين أحمد مش لاقيه ............مش قادر أبص في المراية أدور عليه
الواد ضاع مني مش عارف أروح فين؟........ وأسأل مين؟......... مش عارف
طيب ده أيه؟.... ضياع؟...... منا متعود عليه
بقع زرقه في كل حته في جسمي ...........بقع لما بلمسها بتوجعني
آلم في كل حته مش عارف ليه؟
في خوف بيطاردني ....في حاجه في الضلمة بتخوفني
انا مرعوب انا لوحدي انا حزين انا بطولي
طيب ده ايه ضياع ؟ .............. طيب منا متعود عليه .
أمال أيه ؟
هوه انا ليه اتغيرت؟........... ليه حزين مجروح والحزن مالي الروح ؟
يمكن عشان حاسس ان حتي ابن زيدون مش هوه اللي بدور عليه
طيب منا متمسك بيه ...... خايف عليه ........ خايف يضيع من ايدي وبفكر ميت مره فيه
يا تري ليه ؟........... خايف اقطع علاقتي بيه ؟
اصلي انا نفسي الاقي واحد بس واعيش معاه طول العمر احبه كله............. الحلو اللي فيه والوحش اللي ماليه
عايز اكسر القاعده اللي بتقول ان كل علاقات المثليين تسير الي فشل وانقطاع
عايز حبيب واحد خالد باقي ابداً
بس ابن زيدون ناقص كتير ........ مش بيشوفني ......... مش حاسسني ........ كل همه في جسمي وفي جسمه ........ مش شايف عقلي ولا فكري .......... مش بيسمع افكاري يدوب ضحكتي وهزاري ...........انا عايز حد يحبني بثقافتي بجنوني بفلسفتي ........ حد يناقش معايا نظريات ارسطو ونضحك علي نظريات داروين ........ طيب دا فين ؟.......مش موجود؟ ......والله وحياة دموعي دي موجود بس فين انا تعبت عايزه يجي هوه فين ........ انا ليه بقيت كده شاجي وحزين ..... ده مش اسلوبي اسلوب ناس تانين
انا تعبان والتعب يهد الحيل ويكسر جبل المبادئ ويدمر فلسفة الحياة ....... اااااااااه انا حزين والحزن سيف شديد ضربته قاضية ...........سيف سخيم .
ااااااااااااااااااه يا حزين فاكر لما كنت بتضحك علي اللي بيدوروا علي حبيب وتقول طيب ما كلو بيدور علي كلو مش لاقين بعض ليه ؟
عيش يا فيلسوف حزن البحث عن حبيب ........ عرفت دلوقت هما كان بيدوروا علي ايه ......... بيدوروا علي حد يفهمهم ويفهموه مش اي حد علي اي حد ........ كده مش ينفع يا عبيط .
طيب منا بلاقي حاجات حلوة في اللفرات بتوعي ...... بس بتبقي في حاجه كل مره ناقصه ومش بقدر اسيبها واقول اتحمل ......... بتبقي حاجه تكسر اي علاقة ومعاها مش تكمل العلاقة ومش بكون نفسي .
انا دلوقت بسأل نفسي بكل جدية ........ هوه انا لسه مؤمن اني هلاقي حد يحبني كلي علي بعضي ويفهمني وافهمه ونكون واحد مش اتنين ؟
ليست هناك تعليقات:
إرسال تعليق