بيقولوا اني جرحتك .... بيقولوا اني دبحتك
اني ظلمتك وقلت عليك كتير وزدت في القول وعذبتك
بس انا جاي النهارده اعاتبك
لو انا كنت جرحت مشاعرك ...... معلش سامح منتا جرحت فيا جسد وروح وقلب وانا ولا حتي سألتك
فاكر لما كنت بنزف بين اديك وبصرخ وبقولك كفاية حرام عليك وانتا كنت حجر
اهو ده مش بلاغة .... مش تورية ومش استعارة ومش كناية
لاء انا كنت فعلا بنزف وفعلا كان الوجع في كل حته ف جسمي وفعلا انتا كنت حجر
انا فاكر يومها عنيك كانت مش شايفاني كنت بترجاها ... كفاية ... لكن هي مكنتش سمعاني
وبنزف انا وبتنزف كرامتي واتجرحت جسدا واتجرحت كرامتي
وجرح الكرامة جرح روح وانتا كسرت فيا الروح
وفضل وجع الروح يزيد يزيد لحد ما ما قهرني وفطر قلبي
بس عارف انا كويس ..... والله انا كويس
هو انا مقلتلكش ؟ .... جرحي طاب .... اها طاب ومعدش ينزف
ببص عليه ف المراية وبلمسه ومش بيوجع
انا نسيت جرحي ده خلاص ..... لكن قلبي وروحي مجاريح فين اللي يطيبهم ؟
بينزفوا مين يمنع نزيفهم ؟
ااااااااااااااااااه ........ روح انا مسامحك لكن يارب انتا تسامح نفسك
ليست هناك تعليقات:
إرسال تعليق