Je t'aime

صحيت بدري ... لبست للمدرسة وقعدت عـ سفرة الفطار مع ماما
وحسيت بان اللي علي صدري بقي تقيل اوي
ولقتني بعيط ... وماما اتخضت وحضنتني وقالتلي مالك ...
بس انا نفسي معرفش مالي .....
عيطت شوية وشلت شنطتي وخرجت
مشيت لوحدي وكنت لابس السويتر بتاع المدرسة بس
وكان الجو برد .. حسيت البرد في اطرافي
بس كان في غيمة تقيلة اوي من سواد علي قلبي وتفكيري
فمكنتش مقدر البرد
بس شوفت اتنين جايين من بعيد ... بنت قصيرة شوية ومعاها حد .. شكلها مامتها
ولما قربه عرفت مين دي ... البنت دي " اميرة "
... اميرة ... واحدة من ذوي الاحتاجات الخاصة ... كنت بروح مركز رعاية من سنتين بساعد هناك وبتفاعل مع اللي زيها
بس بعد تانية ثانوية والحياة بقت صعبة وبقيت مش فاضي فبطلت اروح
كنت بساعدهم في الشغل وبلعب مع الاولاد والبنات اللي في المركز
بس كانت " اميرة " اكتر حد بحبه وبقضي وقت معاه .. كانت صحبتي
وفي مره كنا قاعديين نرسم وكلمني واحد وفي اخر المكالمة قلتله Je t'aime
... ولما قفلت سألتني : ... يعني ايه Je t'aime
قلتلها يعني بحبك
راحت رسمالي قلب وشاورت عليا وقالتلي ... جو ..جووو ... تيييم :)
" لما وقفنا قصاد بعض انا وهي توداي ... سلمت عليا وهي فرحانه وقلتلي جووتييم
وكانت فرحاااااااااااانه خالص
بس انا كملت طريقي وانا حزيييييين خالص

Tamer Basiony