كنت بتكلم مع سمسم اخويا في اسهامات الامام الغزالي وطرق التعليم الايجابي الحديث
تشابكت الحوارات ولقتنا بنتكلم عن النظرة الاجتماعية للاباحية الجنسية " افلام البورنو " المرفوضة من كل اشكال المجتمعات كأغلبية واضحة ... فحبيت اضربله مثل وقارنت بين نظرة امريكا كمجتمع منفتح للغاية متقبل لحاجات كتير ... المهم قلتله :
شوف مثلا امريكا اللي هي علي مشارف قبول مؤثر للمثلية الجنسية " كشئ شاذ مرفوض للغاية بالنسبة له " ... هتلاقي الاعلام كله بيدافع عنها وبيحميها في حين انه بيهاجم الاباحية الجنسية وبيرفضها ويعاديها ....
ما اثار دهشتي لما لقيته بيرد وقال :
بس المثلية الجنسية عندهم نوع من الحب وفلسفتهم بتدعو للحرية واحترام الانسانية وده اللي خلاهم يدافعوا عن اسمي الروابط الانسانية " الحب " مهما كان شكله ومهما كان جنس اللي بيربط بينهم ..... لكن الاباحية الجنسية بتناقش ادني العمليات الحيوانية فكان طبيعي بفطرت الانسان ان ترفض في هذا الاطار المنحل
...................
اخويا بيقول ان المثلية نوع من الحب وعارف ان الحب اسمي الروابط الانسانية ... حتي لو كان هو مؤمن ان المثلية خطأ ... فده تقدم مذهل في عقلية شرقية حتي لو كانت مثقفة زي اخويا ^_^
